As Pontes, 28 de maio de 2020. O Concello das Pontes comezou hoxe o envío, a través da Oficina de Correos, dun pack individual de mascarillas, a todos os veciños e veciñas, maiores de 13 anos, empadroad@s no municipio.
Durante os próximos días, cada veciño/a recibirá no seu domicilio, ao seu nome, un sobre cun pack de tres mascarillas hixiénicas para utilizar en espazos públicos onde non sexa posible manter as distancias.
Esta semana comezamos o ensobrado das mascarillas que serán repartidas entre máis de 9.400 veciños e veciñas das Pontes. Trátase dunha tarefa ardua, que seguiremos realizando durante varios días máis, debido ao volume total de mascarillas que imos entregar, máis de 28.000 unidades.
O envío farase seguindo a orde alfabética do padrón e de forma progresiva para evitar o colapso do servizo postal e non interferir no seu correcto funcionamento.
