As Pontes, 20 de febreiro de 2020. O Concello das Pontes, con motivo do día de Rosalía de Castro que se celebra o vindeiro luns, 24 de febreiro, organiza diferentes actividades, dirixidas a toda á veciñanza, para conmemorar a data de nacemento da escritora galega.
Así, o luns, desde as 11:00 ata as 13:00 horas, as veciñas e veciños das Pontes están convivados a participar nunha lectura pública da obra de Rosalía de Castro na que tomarán parte membros do Grupo Poético Alalá e dos clubes de lectura e escritura do municipio.
Todas as persoas que o desexen poderán leer un poema ou fragmento da obra de Rosalía de Castro, escollendo calquera dos textos seleccionados desde a biblioteca ou achegando o seu propio texto desde a casa.
O xoves, 27 de febreiro, ás 18:00 horas, a sala infantil da Biblioteca Municipal Rivera Rouco acollerá a presentación do conto ilustrado Figueiriñas que prantei, da man de Polo Correo do Vento. Unha actividade dirixida a nenas e nenos maiores de 3 anos na que poderán coñecer máis de preto a figura da escritora e debuxala.
O sábado, 28 de febreiro, ás 12:00 horas a Casa Dopeso acollerá a proxección da curtametraxe documental O Seixo, dirixida por Henrique Sanfiz, sobre a presenza da escritora na localidade mugardesa.
