Está previsto que hoxe, 14 de abril, o Consello de Ministros declare a subestación de Maciñeira como nó de transición xusta para adxudicar a súa capacidade a un proxecto renovable.
A estratexia de Transicición Xusta deseñada polo Goberno central busca asentar novos proxectos enerxéticos verdes naquelas zonas afectadas polo peche de centrais térmicas, como é o caso das Pontes. Para compensar esa perda de actividade enerxética e favorecer a substitución con tecnoloxías renovables, está previsto que o Executivo declare hoxe por acordo do Consello de Ministros a transicion xusta para o núcleo eléctrico de Maciñeira, subestación que será construída na área das Pontes.
Esa designación implicará a celebración dun concurso, de forma que se asignará a capacidade de acceso á rede eléctrica desas futuras instalacións a aqueles proxectos renovables ou de almacenamento enerxético que reporten máis actividade económica e emprego á zona e con menor impacto ambiental.
Tras o paso que dará hoxe o Goberno, o Instituto de Transición Xusta poderá, primeiro, deseñar as condicións nas que se desenvolverá a poxa, e posteriormente convocala, co fin de atraer á zona o mellor proxecto enerxético.
Os nós de transición xusta perseguen o desenvolvemento de novos proxectos de renovables que maximicen o seu impacto económico coa mínima pegada ambiental.
Fuente: La Voz de Galicia
