AVISO
As Pontes, 23 de decembro de 2019. O servizo de telefonía móbil de 4ª Xeración (4G na banda de 800 MHz), pode producir afectacións na recepción de televisión dixital terrestre (TDT).
Para solucionar estas afectacións e garantir que a posta en servizo das estacións base de telefonía móbil non afecte á TDT, a entidade CHEGA800 leva a cabo as actuacións técnicas necesarias nas instalacións de recepción dos usuarios de TDT. Estas actuacións son de carácter gratuíto para os cidadáns afectados.
De acordo á Orde Ministerial que regula este proceso, o prazo para solicitar as actuacións en caso de afectación por parte dos usuarios de TDT, era de seis meses desde a data de posta en servizo das estacións de telefonía móbil.
Mediante a presente comunicación informámoslle que está a piques de finalizar o prazo habilitado de 6 meses para resolver incidencias na recepción da TDT sen custo para os cidadáns.
Non obstante o anterior, infórmase que o 31-12-2019 finalizará definitivamente o prazo para solicitar as actuacións de balde, por parte dos usuarios da TDT, polas posibles afectacións ocasionadas polos nodos 4G na banda 800 MHz.
En caso de calquera dúbida sempre pode chamar ao teléfono gratuíto 900 831 902 da Oficina Técnica de Concellos de CHEGA800, onde se lle facilitará toda a información referente ás posibles afectacións ocasionadas por estacións base de telefonía móbil no noso municipio ou en municipios lindeiros.
