As Pontes, 23 de decembro de 2020. O Concello das Pontes bota a andar hoxe a campaña de publicidade institucional Co! de apoio ao comercio e a hostalería local co obxectivo de contribuirá a impulsar o desenvolvemento socioeconómico do municipio e fomentar o consumo na vila.
Elena López, concelleira de comercio e hostalaría apunta que “os nosos comerciantes e hostaleiros, como sucede en moitos outros lugares, están pasando por momentos complicados e desde o grupo de goberno entendemos que desde a administración local debemos respaldalos e acompañalos no seu esforzo para adaptarse ao novo escenario xerado pola crise provocada pola Covid 19, promovendo que os veciñas e as veciñas fagan as súas compras e consuman neste locais, apostando así pola xeración de riqueza e o mantemento do emprego nas Pontes”
A campaña, que consta de diferentes pezas para prensa escrita, radio e televisión e redes sociais así como cartaces exterior, está concibida como unha ferramenta de visibilización e promoción da actividade local, facendo énfase no sentido de pretenza ao territorio, no valor que o pequeno comercio e a hostalería aportan á vila para xerar unha cadea de mensaxes positivas e optimistas que, a modo dunha declaración de intensións, inciten á veciñanza a estar CO das Pontes e amosar o seu compromiso e respaldo co consumo local.
Lorena Tenreiro, responsable da área de comunicación, apunta que o lema da campaña e á expresión de respaldo municipal ao comercio e a hostalería local: “en case todos os aspectos da vida, cada persoa se posiciona en contra de algo ou con algo, nos momentos actuais a única opción posible e estar CO, estar coa economía, co emprego, coa veciñanza e co comercio e coa hostalería da nosa vila e esta e a idea que tratamos de trasladar a través desta campaña”
Elena López tamén subliña que a imaxe da campaña responde a idea de reflectir os cambios que está experimentando o sector na actualidade “buscábamos unha imaxe innovador, que rompese coas mensaxes visuais máis tradicionais, xogando coas cores, distintas grafías, cun chisco as novas tecnoloxías e as redes sociais. Estamos nun momento de cambios e críamos importante resaltar a capacidade do comercio e hostalería local para innovar e adaptarse a un novo escenario”
As dúas concelleiras, animan á veciñanza a mercar nas pontes durante o nadal, a encargar as cenas ou comidas das festas, a gozar dun café ou un refresco nos establecementos hostaleiros da localidade, cumprindo coas medidas de seguridade marcadas polas autoridades sanitarias, e amosar deste xeito que a veciñanza está CO! das Pontes.
