As Pontes, 30 de xaneiro de 2020.- Ante a a falta de pediatra e de solucións inmediatas para cubrir a baixa da facultativa, os grupos políticos con representación no Concello das Pontes acordamos convocar un pleno extraordinario urxente, o próximo luns 3 de febreiro, para aprobar unha moción e amosar o noso malestar, instando á Consellería de Sanidade a cubrir, de forma urxente e inmediata, a praza de pediatra do centro de saúde do municipio para evitar que case 1.100 nenos e nenas, menores de 14 anos da vila teñan que ser atendidos “por profesionais sanitarios non especializados en pediatría; circunstancia aínda máis grave no caso dos menores de tres anos que se ven obrigados a desprazarse a 40 kilómetros para ser atendidos no centro de saúde Fontenla Maristany, en Ferrol.
