As Pontes, 15 de abril de 2021. O Concello das Pontes, a través do departamento de Cultura, celebrará ao longo da vindeira semana o Día Internacional do Libro, con actividades para todos os públicos.

O programa arrancará o mércores, 21 de abril, coa presentación do libro  “Relatos e vivencias” escrito pola pontesa Conchi Pardo, ás 20:00 horas na Casa Dopeso. O xoves, 22 de abril, a partir das 18:00 horas será a quenda para o público máis novo que poderá gozar do espectáculo Toribio Mañón da compañía Viravolta Títeres. 

Xa o 23 de abril, Día Internacional do Libro, o artista pontés Comeluz Artista levará a cabo unha intervención artística en diferentes espazos ao aire libre do municipio a tráves da que achegará á veciñanza ao mundo da lectura a través de datos curiosos, recomendación bibliográficas e ilustracións.

Ese mesmo día, a partir das 19:30 horas, Quico Cadaval chegará ao Auditorio Municipal co monólogo  Complexo de Edipo.

Por outra banda, durante toda a semana, na Biblioteca Municipal repartiranse bolsas conmemorativas con motivo do Día do Libro entre @s [email protected] en usen o servizo de préstamo.