As Pontes, 14 de novembro| O pasado martes día 8 de novembro de 2016, visitou a Ecoescola As Campeiras un grupo de nenas e nenos co CEIP Santa María, de 3º de Primaria. Foi a 1ª visita de educación ambiental á Ecoescola dentro da campaña “Rqu3R” de concienciación ambiental, da Área de Atención, Participación Cidadá e Desenvolvemento Local. As nenas e nenos aprenderon dun xeito moi ameno e divertido a norma das 3 erres: a comprar dun xeito consciente, xogaron a reciclar e mesmo puideron levarse un xoguete de refugallo feito por eles mesmos.

As visitas didácticas escolares continuarán nos vindeiros meses (de luns a venres pola mañá) e poderanse concertar chamando ao teléfono 673240434 ou no correo [email protected]