As Pontes, 17 de novembro| A exposición Xigantes itinerada pola Deputación de A Coruña chega a As Pontes.
EXPOSICIÓN XIGANTES – Fundación Exponav en As Pontes
A Deputación da Coruña leva a doce concellos da provincia a exposición “Xigantes” da Fundación Exponav
A Deputación da Coruña levará a doce concellos da provincia a exposición “Xigantes: Os petroleiros de Astano 1964-1982”, organizada cos fondos expositivos da Fundación Exponav de Ferrol.
Esta mostra itinerante responde ao compromiso expresado polo presidente da institución provincial, Valentín González Formoso, durante a súa visita á sede de Exponav de “dar a coñecer máis alá de Ferrol a importancia que ten o Museo da Construción Naval, o máis importante de España no seu ámbito”.
A exposición permitirá ao público coñecer en profundidade como foi o proceso de construción dos grandes buques petroleiros que forman parte da historia naval da comarca de Ferrol como o Al Andalus, Texaco, Arteaga, Carthagonova, Mónica María ou o Ocean Park. Xigantes de aceiro , algúns deles con máis de 300 metros de eslora, construídos por encargo dalgunhas das principais compañías petroleiras de transporte marítimo do mundo. A mostra contará con maquetas destes buques.
Do Luns 20 de novembro ao sábado 2 de decembro sala de exposicións do Mercado Vello Avda. de Ferrol, s/n
- LUNS – XOVES e VENRES DE 18.00h a 19:30h
- MARTES – MÉRCORES e SÁBADO DE 12:00h a 13:30h
