As Pontes, 17 de xuño de 2022.  O circuíto de karts do Concello das Pontes acolleu, está mañá, a última xornada do curso de seguridade viaria, dirixido ao alumnado de primaria dos centros educativos do municipio, iniciativa posta en marcha no ano 2018 polo goberno municipal.

Esta actividade, organizada pola Concellería de Seguridade Cidadá, ten como obxectivo concienciar, previr e educar en materia de seguridade e civismo ao alumnado de primaria do municipio para que coñezan as normas de circulación en bicicleta, a importancia de respectalas e que adquiran bos hábitos viarios de cara a facer das Pontes un pobo máis seguro.
 
Un total de 180 nenos e nenas participaron neste curso no que se combina unha parte teórica sobre as normas básicas de condución e de seguridade en bicicletas, impartida por membros da Policía Local do Concello de As Pontes, e una parte práctica, na que o alumnado puido amosar os coñecementos adquiridos, nun circuíto deseñado especialmente para esta finalidade, mediante a condución de triciclos, bicicletas e karts de pedais.