O grupo rock, León Benavente chegará a As Pontes coa súa xira de verán 2021, na que farán un percorrido polo seu repertorio musical entre o que destacan temas como Gloria, Ánimo Valiente , Revolución ou Ser Brigada.

León Benavente nace en 2012 da unión dalgúns dos músicos máis reputados do panorama nacional; Abraham Boba (voz e teclados), Eduardo Baos (baixo e sintetizadores), Luís Rodríguez (guitarra) e César Verdú (batería).

Ao mes da publicación do seu último traballo, ‘Vamos a volvernos locos’, comezaron unha imparable xira na que esgotaron as entradas na maioría das datas. Ademais de cidades de todo o país, tamén presentaron estes novos temas en México ou Portugal. Por mor da pandemia, o grupo non puido continuar ca xira como estaba planeado, pero este verán volven aos escenarios co seu forte directo.

As entradas xa se poden mercar en www.tickentradas.com. A apertura das portas realizarase ás 21:00 horas e respectaranse todas as medidas e recomendacións Covid 19.