O clube de Ximnasia Rítmica de As Pontes organiza o III Torneo de Ximnasia Rítmica Vila de As Pontes que se celebrará, o vindeiro 6 de abril, no Polideportivo Municipal, coa presenza de Alejandra Quereda.

Máis de 550 ximnastas galegas competirán, en xornada de mañá, tando de xeito individual como en conxuntos, nun encontro que ten como obxectivo promover a ximnasia artística de competición a nivel escolar ao mesmo tempo que achegar ós ponteses a esta práctica deportiva. Durante a xornada da tarde será a quenda para promoción, base e federado, coa participación de máis de 16 clubs procedentes de toda a xeografía galega.

Anotádeo nas vosas axendas é unha cita que non debedes perder!