A LEIRA

Mañá, 22 de xaneiro, saen á venda as entradas online para o espectáculo A LEIRA, de Nova Galega de DANZA.

O corpo e a terra estreitan os seus lazos nun espectáculo de danza e música que transportará ao público á dura beleza dos labores do campo. A muller no centro desta conexión telúrica; día e noite, xornada tras xornada repetida nunha sucesión inesgotable de estacións. O sol e a choiva, o vento xeado, crúas paisaxes de intemperie habitadas unicamente por unha coreografía humana de apeiros de labranza, de corpos que cargan e arrastran, que danzan entre os surcos arados na terra.
Leira é a sinxela alegría do traballo feito coas mans, coa valentía do corpo a corpo. A celebración dunha Galicia intemporal e máxica.

Dirección artística: Jaime Pablo Díaz
Coreografía: Iker Gómez
Escenografía: Jaime Pablo Diaz
Composición musical: Sergio Moure de Oteyza
Voz e música en directo: Rosa Cedrón
Voces: Aida Tarrío
Percusións: Miguel Anxo López
Deseño e iluminación: Antón Cabado
Vestiario: Erica Oubiña
Son: Alberto Beade
Bailaríns: Inés Vieites, Estefanía Gómez, Iván Villar, César Louzán, Pablo Sánchez, Ricardo Fernández, Uxía Rivas

Data: sábado, 8 de febreiro
Hora: 18:00 e 20:30 horas
Lugar: Auditorio Municipal Cine Alovi
Venta das entradas online https://www.tickentradas.com/