RTVEume| Este ano volvemos ter un novo intercambio coa localidade bretoa coa que estamos irmandados, Lesneven.

Desta vez veñen a As Pontes cadrando coas festas, do 21 ó 29 de xullo. Serán un heteroxéneo grupo de 38 persoas, e 14 veñen por primeira vez.

Con eles ven un grupo de música e baile bretón (Sonerien ar Folgoad / Dansou Breizh ar Folgoad), que actuará no Parque Municipal o mércores 22 ás oito do serán, dentro do programa das festas patronais.

Como en anos anteriores, a Irmandade As Pontes Lesneven Carmarthen pide a colaboración dos ponteses, en especial dos socios da Irmandade, para que, dentro das súas posibilidades, podan acoller na súa casa a algún veciño de Lesneven.

Para iso pódese escribir a [email protected] ou chamar ó teléfono 662.393.596.

Cabe sinalar que o vindeiro ano 2016 haberá un intercambio especial en Lesneven con motivo do 25º cabodano do irmandamento entre as dúas cidades. Dado que tan só poderá viaxar un grupo non superior a 35 participantes, terán preferencia os asociados e aquelas persoas que colaboraron nos diversos intercambios ó longo destes anos, así como aqueles que o fixeron por primeira vez en 1991.[/fusion_text][/fullwidth]